ᓱᓕᑦᑎᐊᕐᓂᕐᒧᑦ ᑲᒥᓴᓇᐅᑉ ᒥᒃᓵᓄᑦ ᐅᓂᒃᑳᑦ

ᑕᑦ ᕆᓵ, ᓄᖅᑲᕕᒃᓯᒪᓕᖅᑐᖅ ᐃᖅᑲᖅᑐᐃᔨ, ᓄᓇᕗᒻᒥ ᓱᓕᑦᑎᐊᕐᓂᕐᒧᑦ ᑲᒥᓴᓇᐅᑉ ᐃᓂᖓᓄᑦ ᑎᒃᑯᐊᖅᑕᐅᓚᐅᖅᑐᖅ ᓯᑎᐱᕆ 10, 2013-ᖑᑎᓪᓗᒍ ᐊᒻᒪ ᑕᓪᓕᒪᓄᑦ ᐊᕐᕌᒍᓄᑦ ᐃᓕᔭᐅᓯᒪᓂᐊᖅᖢᓂ. ᑕᕝᕗᖓ ᐃᓕᔭᐅᓚᐅᖅᑐᑦ ᒪᓕᒐᓕᐅᖅᑏᑦ ᐊᑐᓕᖁᔭᓕᐊᖓ ᒪᓕᒃᑕᐅᓪᓗᓂ.

ᒥᔅᑐ ᕆᓵᑦ ᓄᓇᑦᓯᐊᑉ ᐃᖅᑲᖅᑐᐃᕕᒡᔪᐊᖓᓂ ᐃᖅᑲᖅᑐᐃᔨᐅᓚᐅᖅᓯᒪᔪᖅ ᐊᒻᒪ ᓄᓇᑦᓯᐊᕐᒥ ᐃᖅᑲᖅᑐᐃᕕᒃᑯᑦ ᐊᔪᐃᓐᓈᖃᕐᕕᖕᒥ ᐊᒻᒪ ᔫᑳᓐᒥ ᐃᖅᑲᖅᑐᐃᕕᒃᑯᑦ ᐊᔪᐃᓐᓈᖃᕐᕕᖕᒥ 1988-ᒥᑦ 2012-ᒧᑦ ᑎᑭᖢᒍ. ᓄᓇᕗᒻᒥ ᐃᖅᑲᖅᑐᐃᔨᐅᖃᑦᑕᓚᐅᖅᓯᒪᖕᒥᔪᖅ ᐊᒻᒪ ᓄᓇᕗᒻᒥ ᐃᖅᑲᖅᑐᐃᕕᒃᑯᑦ ᐊᔪᐃᓐᓈᖃᕐᕕᖕᒥ 1999-ᒥᑦ 2012-ᒧᑦ ᑎᑭᖢᒍ.

ᒥᔅᑐ ᕆᓵ ᓄᓇᕗᒻᒥ ᓂᕈᐊᕐᕖᑦ ᑭᒡᓕᒃᓴᖏᓐᓂᒃ ᕿᒥᕐᕈᔨᓄᑦ ᐃᒃᓯᕙᐅᑕᕆᔭᐅᓚᐅᖅᑐᖅ 1997-ᒥᑦ 2011-ᒧᑦ ᑎᑭᖢᒍ.

ᐃᖅᑲᖅᑐᐃᔩᑦ ᑲᑐᔾᔨᖃᑎᒌᖏᓐᓄᑦ ᑎᒃᑯᐊᖅᑕᐅᓚᐅᓐᖏᓐᓂᕐᒥᓂ, ᒥᔅᑐ ᕆᓵᑦ ᓄᓇᑦᓯᐊᕐᒥ ᒪᓕᒐᓕᐅᖅᑎᐅᖃᑕᐅᓚᐅᖅᓯᒪᔪᖅ 1984-ᒥᑦ 1988-ᒧᑦ ᑎᑭᖢᒍ.

Notice: 

.