ᐅᓂᒃᑳᓕᐊᕕᓃᑦ ᕿᒥᕐᕈᓇᒃᑕᐅᓂᑯᓪᓗ

ᐊᕐᕌᒍᑕᒫᖅᓯᐅᑏᑦ ᐅᓂᒃᑳᓕᐊᕕᓃᑦ:  ᓱᓕᑦᑎᐊᕐᓂᕐᒧᑦ ᐱᖁᔭᕐᔪᐊᖅ ᐅᖃᖅᓯᒪᕗᑦ ᓱᓕᑦᑎᐊᕐᓂᕐᒧᑦ ᑲᒥᓴᓇ ᐊᕐᕌᒍᑕᒫᖅᓯᐅᑎᓂᒃ ᐅᓂᒃᑳᓕᐅᖃᑦᑕᕆᐊᖃᖅᖢᓂ ᒪᓕᒐᓕᐅᕐᕕᖕᒧᑦ, ᐃᓗᓕᖃᐅᖅᖢᑎᒃ ᑐᓴᒐᒃᓴᓂᒃ ᓇᓗᓇᐃᔭᐃᓯᒪᔪᓂᒃ ᓱᓕᑦᑎᐊᕐᓂᕐᒧᑦ ᑲᒥᓴᓇ ᖃᓄᐃᓕᐅᖃᑦᑕᓚᐅᕐᒪᖔᖓ ᐊᕐᕌᒎ ᐃᓗᐊᓂ.  “ᐊᕐᕌᒍᑕᒫᖅᓯᐅᑏᑦ ᐅᓂᒃᑳᑦ” ᐊᑖᓂ ᐃᑭᐊᖅᑭᕕᒃᑯᑦ ᐱᑐᒍᓐᓇᐅᑎᑕᖃᖅᑐᐃᓐᓇᐃᑦ ᐊᕐᕌᒍᑕᒫᖅᓯᐅᑏᑦ ᐅᓂᒃᑳᖏᓐᓅᕈᓐᓇᖅᑐᑦ ᑕᐃᒪᓐᖓᓂᑦ 2000 ᐊᑐᓕᓚᐅᖅᓯᒪᑎᓪᓗᒍ.

ᐅᓂᒃᑳᓕᐊᕕᓃᑦ ᒪᐅᓇᑐᐃᓐᓇᖅ ᑎᑎᕋᖅᑕᕕᓃᑦ:  ᓯᕗᓪᓕᖅᐹᑦ ᒪᓕᒐᓕᐅᖅᑏᑦ ᐃᒃᓯᕚᖅᑎᐅᑎᓪᓗᒋᑦ, ᕌᐳᑦ ᔅᑖᓐᐱᐅᕆ, ᓄᓇᕗᒻᒥ ᓯᕗᓪᓕᖅᐹᑦᑎᐊᖑᓪᓗᓂ ᓱᓕᑦᑎᐊᕐᓂᕐᒧᑦ ᑲᒥᓴᓇᐅᓚᐅᖅᓯᒪᔪᖅ (ᐃᒻᒥᒧᑦ ᐊᒡᕕᐊᕈᑎᖃᖅᑕᐃᓕᒪᓂᕐᒧᑦ ᑲᒥᓴᓇᒥᒃ ᑕᐃᔭᐅᖃᑦᑕᓚᐅᖅᓯᒪᔪᖅ) ᐊᐱᕆᔭᐅᓚᐅᖅᓯᒪᔪᖅ ᓄᓇᕗᒻᒥ ᐱᖁᔭᕐᔪᐊᖅᑖᓵᑉ ᒥᒃᓵᓅᖓᔪᓂᒃ ᐊᑐᓕᖁᔭᓕᐅᖁᔭᐅᓪᓗᓂ.  ᐅᓂᒃᑳᓕᐊᖏᑦ, ᑕᐃᒎᓯᓖᑦ ᓱᓕᑦᑎᐊᕐᓂᕐᒥᒃ ᑐᓐᖓᕕᖃᕐᓂᖅ, ᒪᓕᒐᓕᐅᕐᕕᖕᒧᑦ ᓴᖅᑭᑕᐅᓚᐅᖅᓯᒪᔪᑦ ᒪᐃ 2001−ᒥ, ᐊᒻᒪ ᑖᓐᓇ ᓄᓇᕗᒻᒥ ᓯᕗᓪᓕᖅᐹᑦᑎᐊᖑᓪᓗᓂ ᓱᓕᑦᑎᐊᕐᓂᕐᒧᑦ ᐱᖁᔭᕐᔪᐊᕐᒧᑦ ᑐᓐᖓᕕᓕᐊᕆᔭᐅᓚᐅᖅᓯᒪᓪᓗᓂ ᐊᒻᒪ ᐊᑐᓕᖅᑎᑕᐅᓚᐅᖅᓯᒪᓪᓗᓂ 2001−ᒥ.  ᑖᒃᑯᐊ ᐅᓂᒃᑳᓕᐊᕕᓂᖏᑦ “ᐅᓂᒃᑳᓕᐊᕕᓃᑦ ᒪᐅᓇᑐᐃᓐᓇᖅ ᑎᑎᕋᖅᑕᕕᓃᑦ ᐊᑖᒍᑦ ᐃᑭᐊᖅᑭᕕᐊᒍᑦ ᐱᔭᐅᔪᓐᓇᖅᑐᑦ.

ᓱᓕᑦᑎᐊᕐᓂᕐᒧᑦ ᐱᖁᔭᕐᔪᐊᖅ (ᓈᓴᐅᑎᓕᒃ 58) ᐅᖃᖅᓯᒪᕗᑦ ᒪᓕᒐᓕᐅᖅᑏᑦ, ᑕᓪᓕᒪᑦ ᐊᕐᕌᒍᑦ ᓈᔭᕌᖓᑕ, ᕿᒥᕐᕈᔭᕆᐊᖃᖅᐳᑦ ᓱᓕᑦᑎᐊᕐᓂᕐᒧᑦ ᐱᖁᔭᕐᔪᐊᕐᒥᒃ.  2006−ᖑᑎᓪᓗᒍ, ᒪᓕᒐᓕᐅᖅᑏᑦ ᕌᐳᑦ ᔅᑖᓐᐱᐅᕆᒥᒃ ᐊᐱᕆᓯᓚᐅᖅᓯᒪᕗᑦ ᖃᓄᖅ ᐃᓱᒪᒋᖕᒪᖔᖓᒍᑦ ᓯᕗᓪᓕᖅᐹᖅ ᐱᖁᔭᕐᔪᐊᖅ ᕿᒥᕐᕈᔭᐅᓂᐊᕐᓂᖓᓂᒃ.  ᐅᓂᒃᑳᓕᐊᕕᓂᖏᑦ, ᐅᓪᓗᓕᖅᓯᒪᔪᑦ ᔭᓄᐊᕆ 10, 2007, ᐱᔭᐅᔪᓐᓇᕐᒥᔪᑦ ᐅᓂᒃᑳᓕᐊᕕᓃᑦ ᒪᐅᓇᑐᐃᓐᓇᖅ ᑎᑎᕋᖅᑕᕕᓃᑦ ᐃᑭᐊᖅᑭᕕᖓᒍᑦ.

2011−ᖑᑎᓪᓗᒍ, ᒪᓕᒐᓕᐅᖅᑏᑦ ᑐᒡᓕᐊᓂ ᕿᒥᕐᕈᓇᒃᑲᓐᓂᓕᓚᐅᖅᓯᒪᔪᑦ ᐱᖁᔭᕐᔪᐊᕐᒥᒃ, ᐊᒻᒪ ᓱᓕᑦᑎᐊᕐᓂᕐᒧᑦ ᐱᖁᔭᕐᔪᐊᑉ ᐃᓗᓕᖏᓐᓃᑦᑐᑦ ᐊᓯᔾᔨᖅᑕᐅᓗᐊᕌᓗᒋᐊᖃᓚᐅᖅᓯᒪᓐᖏᖢᑎᒃ.

ᑕᐃᒪᓐᖓᓂᑦ 2001−ᒥᓂᑦ ᐊᒥᓱᓂᒃ “ᒥᑭᔫᑎᓂᒃ” ᐊᓯᔾᔨᖅᑕᐅᖃᑦᑕᖅᓯᒪᓕᖅᑐᖅ ᓱᓕᑦᑎᐊᕐᓂᕐᒧᑦ ᐱᖁᔭᕐᔪᐊᖅ, ᑲᑎᓐᖓᔪᑦ ᓱᓕᑦᑎᐊᕐᓂᕐᒧᑦ ᐱᖁᔭᕐᔪᐊᑉ ᒪᒃᐱᒐᖓᑕ ᓯᕗᓪᓕᖅᐹᖅ ᑕᐃᒪᐃᓕᓯᒪᓂᖓ ᒪᓕᒃᖢᒍ (ᑕᑯᒋᐊᕐᓗᒍ ᓱᓕᑦᑎᐊᕐᓂᕐᒧᑦ ᐱᖁᔭᕐᔪᐊᑉ ᑐᖏᑦᑕ ᐃᑭᐊᖅᑭᕕᒃᑰᖅᑎᑕᐅᓯᒪᓂᖓ).

ᓈᓴᐅᑎᓕᒃ 44−ᒥᒃ ᐱᔾᔪᑎᓖᑦ ᐅᓂᒃᑳᓕᐊᕕᓃᑦ:  ᒪᓕᒐᓕᐅᖅᑎ ᖃᓄᐃᑦᑐᑐᐃᓐᓇᕐᓂᒃ ᓱᓕᑦᑎᐊᕐᓂᕐᒧᑦ ᐱᖁᔭᕐᔪᐊᑉ ᐃᓗᓕᖏᓐᓃᑦᑐᓂᒃ ᐊᒻᒪ ᐅᓐᓂᕐᓘᑎᒋᔭᐅᒃᐸᑦ ᓱᓕᑦᑎᐊᕐᓂᕐᒧᑦ ᑲᒥᓴᓇᒧᑦ, ᖃᐅᔨᓴᖅᑕᐅᓂᐊᖅᐳᖅ ᐊᒻᒪ ᐅᖃᐅᓯᕆᔭᐅᓗᓂ ᒪᓕᒡᓗᒍ ᐱᖁᔭᕐᔪᐊᑉ ᐃᓗᓕᖏᓐᓃᑦᑐᑦ ᓈᓴᐅᑎᓖᑦ 36−ᒥᑦ 45−ᒧᑦ.  ᓈᓴᐅᑎᓕᒃ 44 ᐅᖃᖅᓯᒪᔪᖅ ᓱᓕᑦᑎᐊᕐᓂᕐᒧᑦ ᑲᒥᓴᓇ ᓇᖕᒥᓂᖅ ᑎᑎᕋᕆᐊᓕᒃ ᐅᓂᒃᑳᓂᒃ ᐅᖃᖅᑎᒧᑦ, ᐊᒻᒪ ᐅᖃᖅᑎ ᐱᖁᔭᕐᔪᐊᑉ ᐃᓗᓕᖏᓐᓃᑦᑐᖅ ᓈᓴᐅᑎᓕᒃ 44 ᐊᑐᕐᓗᓂᐅᒃ ᐅᓂᒃᑳᓕᐊᕕᓂᕐᓂᒃ ᒪᓕᒐᓕᐅᕐᕕᖕᒧᑦ ᓴᖅᑭᑦᑎᔭᕆᐊᖃᖅᐳᖅ.  ᐊᑖᓂ “ᓈᓴᐅᑎᓕᒃ 44−ᒥᒃ ᐱᔾᔪᑎᓖᑦ ᐅᓂᒃᑳᓕᐊᕕᓃᑦ” ᓇᕿᓪᓗᒍ ᐃᑭᐊᖅᑭᕕᒃᑯᑦ ᐱᑐᒍᓐᓇᖅᑐᓂᑦ ᓈᓴᐅᑎᓕᒃ 44−ᑎᒍᑦ ᐅᓂᒃᑳᓕᐊᕕᓂᕐᓂᒃ ᒪᓕᒐᓕᐅᕐᕕᖕᒧᑦ ᓴᖅᑭᑕᐅᖃᑦᑕᖅᓯᒪᓂᑯᓂᒃ.

ᓂᕈᐊᖅᖠᕐᓗᑎᑦ ᐅᓂᒃᑳᓕᐊᕕᓂᕐᓂᒃ ᕿᒥᕐᕈᓇᖕᓂᕕᓂᕐᓂᒡᓘᓐᓃᑦ

Notice: 

ᐃᒻᒥᒧᑦ ᐊᒡᕕᐊᕈᑎᖃᖅᑕᐃᓕᒪᓂᕐᒧᑦ ᑲᒥᓴᓇ ᐊᕐᕌᒍᑕᒫᖅᓯᐅᑎᓂᒃ ᐅᓂᒃᑳᓂᒃ ᓴᖅᑭᑦᑎᔭᕆᐊᖃᖅᑎᑕᐅᔪᖅ ᒪᓕᒐᓕᐅᕐᕕᖕᒧᑦ ᐊᒻᒪᓗ ᐱᔪᒪᒍᑎᒃ, ᑎᓕᔭᐅᑐᐃᓐᓇᕆᐊᖃᖅᖢᓂ ᐊᓯᖏᓐᓂᒃ ᐃᖅᑲᓇᐃᔮᕆᔭᐅᔭᕆᐊᓕᖕᓂᒃ ᐱᓕᕆᖁᔭᐅᓗᓂ.