TUHAQTITAUNIKKUT UQAUHIIT

Atuni Maligaliuqtit pitquyauhimayut Kanngunaqtuliriyi Maligaryuangani ilaaninnguraikpat titiraqtukhaq Titiraqtianut Maligaliurviup tuhaqtitaunikkut uqauhianik, uvani titirarvigiyauyukhami. Hamna inungnut tuhaqtitaunikhakkut uqauhia, naunaittumik, tuhaqtittiniaqtuq piqutinik, atukkanik, havaanut ihumagiyauyut, nakillu akiliuhiaqpagiakhaita, hunaniglukiaq, Maligaliuqtimit, qatanngutainit uvvaluunniit inmikkuurnikkut nanminiriyainnik.

Iluaniittut haffumani  inungnut tuhaqtitaunikhakkut uqauhia titiraqhimaniqaqtukhaq naunaittumik Kanngunaqtuliriyi Maligaryuangani (s. 5). Naunaittumik titirarniqaqtuqtauq kihinnguqtauhimayut, hunaniglukiaq, tuhagakhat kitullikiaq piqutauyunik, nakilli akiliuhiaqpagiakhaita Maligaliuqti uqautigiyungnanngitait uqautigiyumanngitkumigit tuhaqtitaunikkut uqauhiani.

Atuni Maligaliuqtit pitquyauhimayut titiraqtukhaq inungnut tuhaqtitaunikhakkut uqauhianik nainti (90) ublut niruaqtautaarumi, talvanngattauq ukiuq tamaat pitquhimayaatigut Kanngunaqtuliriyi Kamisinaata. Akunnganni titirarnirutip ublungani, immaqaak aallanngurniqaqpiarutaukpat tuhagakhaq talvaniittukhaq inungnut tuhaqtitaunikhakkut uqauhianut, una Maligaliuqti titiraqtukhaq, Titiraqtialu, haffuminnga ilavaallirutimik inungnut tuhaqtitaunikhakkut uqauhianut taalit (30) ublut aallannguqtautaaqhimayumik.

Una Maligaliuqti, ilagiyaaluunniit Maligaliuqtip, aittuutinik piyukhaunngittuq, inminut ikayuutauyukhaunngittuq uvvaluunniit akiliuhiarutikhaaniittukhaunngittuq, ahiatigulluunniit, havauhianut Maligaliuqtip havagviani. Qaffiuyulli kihinnguqtauniqaqtuq. (takulugu s.13 haffumani Kanngunaqtuliriyi Maligaryuanga). Ihumagiblugit kihinnguqtauhimayut, hunaniglukiaq, aittuutauyut inminut ikayuutauyut una Maligaliuqti tuniyauyungnaqtuq, una Maligaliuqti pitquyauhimayuq, uvani taalit (30) ublut pihimanianik aittuutip ikayuutibluunniit, titiraqtukhaq tuhaqtitaunikhakkut uqauhianik, ilaattauq titirarvikhami pihimayaa Kanngunaqtuliriyi Kamisinaanit, naunaiyattiaqhimayut aittuutit ikayuutilluunniit, nakinngaaqhimayut, uvvalu qanurinninga pihimayuq tuniyauhimania Maligaliuqtimut uvvalu tuniyauhimania angiqhimablugu.

Hapkuat pivikhaqarviat inungnut tuhaqtitauniit ikayuutauniaqtuq takunnarniqattiarluni ikayuutauniaqturlu Maligaliuqtimut havaariyaminik havattiarniarumi naunaittiaqtumik inungnut.

Tamaita pingahuuyut inungnut tuhaqtitaunikhakkut uqauhianut. Tuhaqtitaunikhakkut uqauhiriyauyut aadjikkutait piinnarialgit uvanngat takuuriyauyukhat:

Titiraqti Maligaliurviup Havagviani
P.O. Qiuqut 1200
Iqaluit, NU
X0A 0H0
Uqautikkut: (867) 975-5000
Kayumiktukkut: (867) 975-5190

Hapkuat titirarvikhat inungnut tuhaqtitauniit qaritauyakkut piyauyungnaqtut PDF-kutigut titiraqhimayuni: