MIKHAANUT KANGUNAKTILIGIYIKUT PIKUYAKYUAT

Kangunaktiligiyikut Pikuyakyuakhait atulikhimayut Maligaliuktiit Nunavumi ukiumi 2001. Pitkutihimayait akigaktuitjutainut piyakhait maligaliuktiit Maligaliukvianit ikayuklugit nakuuyumik ovalo pilutik kangunaitumik. Hanahimayait atugutikhainik aatjikutainik ovalo tuhaktitiagutikhainik tamaat piyakhainik.

Nalaagutikhait pihimayakhait Kangunaktiligiyikut Pikuyakyuat hamuunatut:

(a) kangunaktiligiyikut hivuliuyukhat ovalo anginikhaamik maliktakhait niguaktauhimayut;
(b) Inuit Nunavumi pitkuhimayut pihimatkulugit tahapkoa pilutik munagitjutikhainik ovalo ihuakhaklugit inminut munagiyait tuhaktitialugit Inuit ukpigitjutikhainut tamamik maligaliuktit kangunaktiligiyikut, pihimayait Maligaliukviit pitiagutikhainut ovalo naamatiagutai pitialugit Inuukatigiit pitkuhimayainut Maligaliukvia ovalo maligaliuktiit;
(c) maligaliuktiit Maligaliukvimi piniaktut, ihuakhailugit Inunut havaakhait ovalo inminik munagiyait, pitialugit tahapkoa pitkuhimayainik angmaumalugit, ihumagiyait ovalo aalanut aviktukhimalugit ovalo tuhaktitialugit pitjutikhainut; ovalo
(d) Maligaliukvia ikayulaaktait Inuit Nunavumi nakuutiaktumik maligaliuktiit kaihimagumik aalatkiinik havagaagutainit ovalo ilaukataulutik akhut hanatiligiyiinut ovalo inuuhitjutikhainik nunaini.

Kangunaktiligiyikut ovalo inuutiagutikhait kanugitjutikhainut kitkaniitut Inuit ukpigiyainut ilaukatauyut niguaktauhimayut kavamakhait. Nunavummiut pitkuhimayait Maligaliuktiit (MLAs) pilutik angmaumahimalutik, ihumagiyait ovalo aalanut aviktukhimalugit. Maligaliuktiit piyakhait pilutik Inuit piyumayainut hivuliulutik Maligaliuktiit inminut piyumayainut.

Kangunaktiligiyikut Pikuyakyuakhait ukakhimayut Maligaliuktiit maliktakhainik hapkoa imaatut:

(a) havaklugit havaakhait niguakhimayainut ovalo ihuakhaklugit inminik munagiyait taimaatut pihimagiaganik Inuit pilaaktainik ovalo ukpigiyainik kangunaktiligiyikut,ihumagiyait ovalo aalanut aviktukhimalugit maligaliugutainut;
(b) pitkuhimakungilugit manikhakhiugutainik, tunitjutikhainik ovaluniit ikayugutikhainik, angigumik nani ihuinaaktililaaktait  Inuit pilaaktainik ovalo ukpigiyainik kangunaktiligiyikut, ihumagiyait ovaluiit aalanut aviktukhimalugit maligaliuktiit ovalo tamaita pihimanialutik kanukiak pihimayainik hanianut Inuit kungiagutigilaaktainut;
(c) ihuakhaklugit inminik munagiyainik maliklugit ilanganiitut Pikuyakyuami ovalo pilutik nutkaktigutainik ihuinaalaagutainik takulaaktainut; ovalo
(d) pilutik tamaat ihuakhaklugit akigaktulaagutainik pilaaktut mikhaanut Inuit piyumayait.

Ovalo, Pikuyakyuat pitkuhimayait ilanganik piyakhainut ovalo pilaitainut tamamik niguaktauhimayut Maligaliuktiit, imaatut: 

  • Piyukhat ilaani tunilugit Inuit Tuhaktitjutikhainik kanugitjutikhait, ukakhimayut maligaliuktiit pihimayait, akiliktigutait, nakit manikhakhimayainik.
  • Pitkuhimaitjutait mikhaanut pilaaktainik “ilanganik” manikhakhiulaaktait, tuniyauhimayait ovaluniit ikayugutikhait ilauyut havaktakhainut maligaliuktiit munagiyait niguaktihiayainut
  • Pitkuhimaitjutait mikhaanut katraktiligilutik GNkunit ovaluniit ilauyut havakviit
  • Pitkuhimaitjutait ovalo ukaklutik ilanganut akigaktulaagutait
  • Pitkuhimaitjutait mikhaanut ihuinaalaaktut atugutainut iluani tuhagutikhainit
  • Pitkuhimaitjutait mikhaanut ihuinaalaaktut pitkuhimayainut
  • Pitkuhimaitjutait mikhaanut ihuinaalaaktut pitkunahuagutainut

Ilauyut naitumik titigakhimayut ilanganiit ilanganiitut Kangunaktiligiyikut Pikuyakyuat. Atuniaktut titigagutait, taiguaktunut piyukhat, ilaa, maliklugit Pikuyakhuami ilanganut. Ublumi katitigutait Kangunaktiligiyikut Pikuyakyuat pilaaktut hamanit kagitauyakut takulvia atuklugit PDFmi atugutainut.